মুখ্য পৃষ্ঠা
06/04/2516:55
মৰমৰ তৰা ,
আজি বহুদিনৰ পিচত কাতিৰ কুৱঁলী সৰা সেমেকা কঙাল ৰাতি এটা সাবতী তোমালৈ একলম লিখিম বুলি ডায়েৰী খন উলিয়াই লৈছো |বাহিৰত ঘন কুৱঁলীৰ চাদৰ এখনে পৃথিৱী খন মেৰিয়াই ধৰিছে |আৰু মোৰ এলান্ধু পৰা উৰুখা পঁজাৰ বন্ধ কোঠাত জ্বলাই লৈছো এটি মাটিৰ চাকি |কঙাল কাতিটো অহাৰে পৰা বৰ কষ্ট হৈছে জানা |ভঁৰালটো একেবাৰে উদং হৈ আছে | বিহুৰ দিনা আয়ে তুলসী তলত চাকি জ্বলোৱাৰ সময়ত মোৰ তোমালৈ বৰকৈ মনত পৰিছিল |তুমি থকা হ'লে...|
তোমাৰ শেষ দিনৰ চিঠিখন বুকুত সাবতী ৰাতি বোৰ উদযাপন কৰো নিঃসঙ্গতাৰ সৈতে |হেঁপাহৰ কেনভাচত তোমাৰ ছবি আঁকো আলফুলে |দুধাৰি চকুলো দুগালেৰে বৈ ৰং বোৰ মোহাৰি নিয়ে |অসম্পুৰ্ণ হৈ ৰৈ যায় তোমাৰ ছবি |পৃষ্ঠাৰ দেৱাল পাৰ হৈ ৰং বোৰে যেন উপলুঙা কৰে |মই সৰ্বহাৰা বাবেই আজিও উকা হৈ থাকিল বুকুৰ তামিঘৰ |দীৰ্ঘদিন তোমালৈ অপেক্ষা কৰি পাৰ কৰিলো বিনিদ্ৰ ৰজনি |
এদিন তুমি যে কৈছিলা মোৰ কবিতা কবিতা লগা কথাবোৰ তোমাৰ বৰ ভাল লাগে |আজি সেই মধুৰ ক্ষণ খামুচি লিখি যাওঁ গুপনে এটি এটি পংকীল জীৱনৰ ব্যৰ্থ কবিতা |
দুখ মোৰ বুকুৰ কুটুম |তুমি ভুল নুবুজিবা |সন্ধ্যাৰ আকাশৰ তৰা ,বিমান পথত ৰৈ তুমি মাথো চাই ৰবা |মাঘৰ মেঘালী হৈ চুমি যাবা মোৰ ওঁঠ |
ইতি
তোমাৰ সমীৰণ
___ৰাজু কলিতা
10/09/14
